ЦИФРОВОЙ ФОТОАРХИВ БГУ

Название документа:	Встреча руководства БГУ с заслуженными работниками нашего университета (8 фото)
Описание изображения:	Па ініцыятыве рэктара БДУ прафесара Сяргея Абламейкі 15 студзеня адбылася сустрэча кіраўніцтва з заслужанымі работнікамі нашай ВНУ, якія ўнеслі істотны ўклад у падрыхтоўку спецыялістаў і ўзмацненне ролі БДУ ў інавацыйным развіцці эканомікі краіны. Абмяркоўваліся перспектывы далейшага развіцця альма-матэр. Пачалася сустрэча з грунтоўнага даклада рэктара пра дзейнасць універсітэта, дасягненні і праблемы ВНУ на сучасным этапе. Сяргей Абламейка адзначыў работу найбольш значных універсітэцкіх навуковых школ, падкрэсліў важкі ўклад у навуковую скарбніцу БДУ і краіны ў цэлым акадэмікаў і членаў-карэспандэнтаў НАН Беларусі, лаўрэатаў Дзяржаўных прэмій, якія працуюць у нашай ВНУ (а іх 79 чалавек). Акрамя таго, ён паведаміў, што 97 акадэмікаў НАН Беларусі звязалі свой лёс з БДУ: вучыліся, выкладалі і займаліся навукай у розныя гады. Станоўча рэктар ацаніў удзел БДУ у розных міжнародных выставах, на якіх навуковыя распрацоўкі навукоўцаў ВНУ нязменна атрымліваюць высокія ўзнагароды. Ахарактарызаваў геаграфію навукова-тэхнічнага супрацоўніцтва БДУ з рознымі краінамі, падкрэсліўшы, што экспарт у аб’ёме 2 млн долараў (кантракты, гранты), – недастатковы для патэнцыялу ВНУ. Сярод асноўных праблем рэктар назваў неспрыяльную ўзроставую дынаміку сярод навуковых супрацоўнікаў, прафесарска-выкладчыцкага складу, а таксама зніжэнне колькасці магістрантаў, аспірантаў і дактарантаў. Ён заклікаў прыкласці намаганні для выпраўлення сітуацыі і паспрыяць абнаўленню кадраў. Свой погляд на праблемы БДУ выказалі і “старэйшыны”. Услед за акадэмікам Анатолем Лесніковічам, які гаварыў пра неабходнасць узмацнення супрацоўніцтва з НАН і крокі па інтэграцыі адукацыі і навукі, на трыбуну паднімаліся прафесар Анатоль Галаўко з юрыдычнага факультэта і прафесар Барыс Норман, якія закранулі пытанні міжнароднага супрацоўніцтва. Сваім бачаннем шляхоў развіцця універсітэта і падтрымкі моладзі ва ўмовах эканамічнага крызісу падзяліўся прафесар Васіль Стражаў. Дырэктар НДІ ФХП Алег Івашкевіч звярнуў увагу на зношанасць матэрыяльнай базы хімічнай навукі ва універсітэце і неабходнасць выдзялення новага будынка для адпаведных падраздзяленняў. Пра наладжванне сістэмы арганізацыі навукі ў краіне ў цэлым гаварыў акадэмік Фёдар Капуцкі, а дырэктар ІБМТ БДУ Уладзімір Апанасовіч заклікаў распрацаваць агульную тактыку паводзін у сучасных рэаліях і прапанаваў стварыць грамадскі савет пры рэктару для кансалідацыі высілкаў у адстойванні інтарэсаў ВНУ. Сяргей Абламейка падзякаваў удзельнікам сустрэчы за выказаныя ідэі, прапановы і заўвагі, падкрэсліўшы, што галоўнае для універсітэта – гэта прафесарска-выкладчыцкі склад і навукоўцы, якія рыхтуюць спецыялістаў і ствараюць высокатэхналагічную прадукцыю. Рэктар засведчыў, што кіраўніцтва ВНУ зробіць усё магчымае для стварэння спрыяльных умоў для іх плённай дзейнасці.
Дата создания:	15-янв-2009
Тип документа:	Image
Тип документа:	Фотография
Язык:	ru
Тема:	БГУ::ОБЩЕСТВЕННАЯ ЖИЗНЬ
Располагается в коллекциях:	2009.01.15 Встреча руководства БГУ с заслуженными работниками нашего университета

Все документы в архиве защищены авторским правом, все права сохранены.