ЦИФРОВОЙ ФОТОАРХИВ БГУ

6 кастрычніка 2023 г. на гістарычным факультэце БДУ адбыўся Рэспубліканскі круглы стол “Археалогія Беларусі каменнага і бронзавага вякоў: сучасны стан і перспектывы даследаванняў”, прысвечаны памяці Віктара Сцяпанавіча Абухоўскага (11.10.1973 – 04.10.2007). У мерапрыемстве прынялі ўдзел супрацоўнікі БДУ, Інстытута гісторыі НАН Беларусі, Гродзенскага дзяржаўнага ўніверсітэта імя Янкі Купалы. З прывітальным словам выступіла намеснік дэкана па навуковай працы і міжнароднаму супрацоўніцтву Ганна Іванаўна Маскевіч. Яна звярнула ўвагу на важнасць захавання сувязі пакаленняў. Ірына Валянцінаўна Лебедзева, намеснік дэкана па вучэбнай працы і інавацыйным тэхналогіям, падзялілся з прысутнымі ўспамінамі аб В.С. Абухоўскім. Падчас працы круглага стала былі заслуханы даклады, у якіх узгадваліся асноўныя вехі жыцця і дзейнасці вядомага даследчыка. Выступоўцы абмеркавалі найноўшыя даследаванні ў галіне палеаліту, мезаліту, неаліту Беларусі. У падвядзенні вынікаў працы круглага стала прыняў удзел дэкан гістарычнага факультэта Аляксандр Генадзьевіч Каханоўскі. Ён акрэсліў актуальнае становішча і задачы далейшага развіцця ўніверсітэцкай археалогіі. Вялікую цікавасць усіх прысутных выклікала адмыслова падрыхтаваная выстава фотаздымкаў і дакументаў, звязаных з навуковай і вучэбна-метадычнай працай В.С. Абухоўскага.