Пожалуйста, используйте этот идентификатор, чтобы цитировать или ссылаться на этот документ:
https://earchives.bsu.by/handle/link/338
| Название документа: | Дзень роднай мовы ў Інстытуце журналістыкі |
| Описание изображения: | Для Інстытута журналістыкі БДУ Дзень роднай мовы – сапраўднае свята, якое ўжо чатыры гады запар студэнцкі актыў арганізоўвае разам з выкладчыкамі. У праграме ёсць традыцыйныя сустрэчы, забаўляльныя акцыі, вясёлыя віктарыны і гульні, а таксама вечарына, і штогод дадаюцца новыя мерапрыемствы, якія спрыяюць разрастанню дня роднай мовы амаль у тыдзень. Свята 21 лютага сустрэлі ранішняй акцыяй у фармаце freehugs “Беларуская мова перадаецца праз абдымкі”. Толькі ўявіце сабе: на гадзінніку 8:00, засяроджаных выкладчыкаў і сонных студэнтаў, якія ледзь расплюшчылі вочы перад першай парай, сустракалі бадзёрыя “абдымальшчыкі”, дарылі зарад пазітыву і ладзілі фотасесію з падушкай – сёлетнім журфакаўскім сімвалам беларускай мовы. Розныя эмоцыі чыталіся на тварах нечакана абнятых людзей: адны здзіўляліся, іншыя – усміхаліся, хтосьці –яшчэ мацней абдымаў. За круглым сталом студэнты і выпускнікі журфака расказвалі “Як быць беларускамоўным”. Галоўнае паводзіць сябе натуральна, лічаць яны, бо мова – гэта найперш сродак, з дапамогай якога людзі камунікуюць. Зацікавіла гісторыя знаёмства, вяселля і сумеснага жыцця беларускамоўнай сям’і Янкі Рабянкова і Ганны Шыбут, студэнткі журфака. Беларускай мовай яны карыстаюцца ва ўсіх сферах жыцця: нават сварацца па-беларуску. На стэндапе ад выкладчыкаў “Лад жыцця” яблыку не было дзе ўпасці: так многа сабралася ахвотных паслухаць любімых педагогаў і задаць ім пытанні, якія немагчыма задаць на занятках. Паралельна студэнцкай ініцыятыве адбываліся мерапрыемствы, арганізаваныя выкладчыкамі кафедры стылістыкі і літаратурнага рэдагавання пад кіраўніцтвам доктара філалагічных навук, прафесара Віктара Іўчанкава. Смачная, у прамым сэнсе слова, вечарына завяршыла свята ў Інстытуце журналістыкі. Студэнты частаваліся дранікамі і квасам, спявалі, танчылі, гулялі разам з сябрамі Студэнцкага этнаграфічнага таварыства, і проста “адрываліся” пад гурт “AMAROKA”. |
| Дата создания: | 21-фев-2014 |
| Место создания: | Минск: БГУ |
| Тип документа: | Image |
| Тип документа: | Фотография |
| Язык: | bel |
| Тема: | БГУ::КУЛЬТУРА |
| Располагается в коллекциях: | 2014.02.21 Дзень роднай мовы ў Інстытуце журналістыкі |
Полный текст документа:
Все документы в архиве защищены авторским правом, все права сохранены.