Пожалуйста, используйте этот идентификатор, чтобы цитировать или ссылаться на этот документ:
https://earchives.bsu.by/handle/link/7087
Название документа: | Прэзентацыя кнігі супрацоўніка бібліятэкі Кацярыны Роўда “Паэтычныя КаРункі” ў Фундаментальнай бібліятэцы (29 фота) |
Описание изображения: | У Фундаментальнай бібліятэцы БДУ прайшла прэзентацыя кнігі Кацярыны Роўда “Паэтычныя КаРункі”, якая выйшла ў выдавецтве "Чатыры Чвэрці". Свой дзень народзін маладая паэтка Кацярына Роўда адзначыла самым найлепшым чынам – паказала свету сваё новае літаратурнае дзіця – паэтычны зборнік з рамантычнаю назваю “Паэтычныя КаРункі”. Бліскучая вокладка бэзавага колеру, як сама вясна, стала ў гэты дзень галоўнай гераіняю імпрэзы, якая прайшла ў напоўненай зале бібліятэкі юрыдычнага факультэта БДУ. Аўтар зборніка сама вяла паэтычную імпрэзу, перадаючы слова сваім сябрам і паплечнікам. Сярод першых выступоўцаў быў галоўны рэдактар серыі “Бібліятэка Мінскага гарадскога аддзялення Саюза пісьменніеаў Беларусі”, у якой і друкавалася кніга Кацярыны Роўда, ён жа рэдактар зборніка пісьменнік Міхаіл Паўлавіч Пазнякоў. Заслужаны пісьменнік зазначыў сур’ёзны творчы рост Кацярыны, нават паставіў яе ў адзін ланцужок з Цёткай (А.Пашкевіч), Еўдакіяй Лось і Яўгеніяй Янішчыц. Калега па працы і адзін з карэктараў (а іх у Кацярыны аж тры!) зборніка Марына Янаўна Курэйчык выказала сваё захапленне "Паэтычнымі КаРункамі" і шчыра пажадала аўтару кнігі стаць мнагадзетнай паэтычнай маці. Намеснік старшыні Асацыяцыі аховы інтэлектуальнай уласнасці “БелБрэнд” Валянціна Іванаўна Дыніч аб’явіла, што вершы Кацярыны Роўда будуць гучаць у гэтым годзе на Міжнародным фестывалі “Славянскі базар у Віцебску”. Яна таксама адзначыла высокія асабістыя якасці Кацярыны і выказала сваю гатоўнасць да пастаяннага супрацоўніцтва з такім адказным, сумленным чалавекам і таленавітым аўтарам. Гэту ж думку выказаў і Уладзімір Генадзевіч Кулажанка, дырэктар Фундаментальнай бібліятэкі БДУ, дзе, дарэчы, працуе Кацярына Роўда і з’яўляецца кіраўніком ужо добра вядомага ва ўніверсітэце і за яго межамі студэнцкага клуба аматараў мастацкага слова “КЛУмБа”. Клуб актыўна дзейнічае пры універсітэцкай бібліятэцы на працягу пяці гадоў, і многія яго ўдзельнікі таксама ўжо маюць свае літаратурныя зборнікі, друкуюцца ў рэспубліканскіх перыядычных выданнях, з’яўляюцца пераможцамі універсітэцкіх, рэспубліканскіх і міжнародных конкурсаў. У гэты дзень, як і звычайна, клумбаўцы актыўна падтрымалі свайго кіраўніка: артыстычна дэкламавалі паэтычныя радкі імянінніцы, спявалі песні на яе вершы, чыталі свае пераклады беларускамоўных вершаў паэткі на рускую мову. А тыя, хто не змог аказацца ў дзень прэзентацыі на азначаным месцы, даслалі свае шчырыя віншаванні ў электронным выглядзе. Сябры і калегі зычылі імянінніцы моцнага здароў’я, творчага натхнення і плённай працы, а зборніку “Паэтычныя КаРункі” – знайсці дастойнае месца сярод лепшых літаратурных выданняў Беларусі. |
Дата создания: | 10-мая-2019 |
Место создания: | г. Мінск, БДУ |
Авторы: | Міхнюк, Ганна |
Тип документа: | Image |
Тип документа: | Фотография |
Язык: | ru |
Тема: | БГУ::ПОДРАЗДЕЛЕНИЯ БГУ::Фундаментальная библиотека |
Располагается в коллекциях: | 2019.05.10 Прэзентацыя кнігі супрацоўніка бібліятэкі Кацярыны Роўда “Паэтычныя КаРункі” у Фундаментальнай бібліятэцы |
Полный текст документа:
Все документы в архиве защищены авторским правом, все права сохранены.