ЦИФРОВОЙ ФОТОАРХИВ БГУ

2018.12.13 Падвядзенне вынікаў конкурсу творчых работ студэнтаў БДУ «Я ГЭТЫ КРАЙ РАДЗIМАЮ ЗАВУ» Статистика

У Фундаментальнай бібліятэцы падведзены вынікі конкурсу творчых работ студэнтаў БДУ «Я ГЭТЫ КРАЙ РАДЗIМАЮ ЗАВУ». Ўзнагароджанне пераможцаў адбылося 13 снежня 2018 г.
У конкурсе прынялі ўдзел 30 студэнтаў БДУ. У склад журы ўвайшлі кандыдат філалагічных навук, намеснік дэкана факультэта журналістыкі Фёдар Валянцінавіч Драбеня,кандыдат філалагічных навук, дацэнт кафедры беларускай літаратуры Ігар Мікалаевіч Запрудскі і кандыдат філалагічных навук, дацэнт кафедры тэорыі літаратуры філалагічнага факультэта Славяна Вячаславаўна Шамякіна.
Журы вызначыла 10 пераможцаў конкурсу.
У намінацыі “Артыкулы” пераможцамі аказаліся студэнткі факультэта журналістыкі Лейчанка Анастасія, Кастэнка Елізавета і Марыя Мядзьведзева. У намінацыі “Вершы” пераможцамі сталі студэнтка філалагічнага факультэта Віалета Ускова, студэнтка факультэта журналістыкі Кацярына Ігнатовіч і навучэнка ліцэю БДУ Вольга Нікіценка. Студэнтка факультэта журналістыкі Касцевіч Кацярына вызначылася лепшай у намінацыі “Рэпартаж”. Кацярына Тарасава, студэнтка факультэта журналістыкі - адзіная пераможца ў жанры “Апавяданне”. Перамогу ў намінацыі “Эсэ” падзялілі паміж сабою журналістка Кацярына Касцевіч і філалагіня Віалета Ускова, якія ўжо былі пераможцамі ў папярэдніх намінацыях. Лубнеўская Анастасія, студэнтка міжнароднага дзяржаўнага экалагічнага інстытута імя Сахарава, стала пераможцаю ў жанры “Інтэрв’ю”. І нарэшцэ ў намінацыі “Фэнтазі” лепшаю прызналі работу Надзеі Лазерка.
На літаратурным свяце дыпламанты конкурсу чыталі ўрыўкі з сваіх твораў. А студэнты першага курса гістарычнага факультэта прачыталі вершы А.Пісьмянкова, Я.Янішчыц, У.Караткевіча, якія пісьменнікі прысвяцілі роднаму краю. Упэўнена і з агеньчыкам вялі вечарыну яе вядучыя - клумбаўцы Мікіта Крыцук і Маша Пятрэнка.. Ганаровым госцем на свяце быў вядомы пісьменнік, лаўрэат нацыянальнай літаратурнай прэміі Беларусі і шматлікіх рэспубліканскіх і міжнародных прэмій Міхаіл Паўлавіч Пазнякоў, які ўважліва прачытаў работы ўдзельнікаў конкурсу і лепшых узнагародзіў дыпломамі і памятнымі падарункамі ад Мінскага гарадскога аддзялення Саюза пісьменнікаў Беларусі.