ЦИФРОВОЙ ФОТОАРХИВ БГУ

2015.09.12 Студенты БГУ приняли участие в празднике Дня города Статистика

948 ГАДОЎ МІНСКУ, ЦІ ЯК ПАВІНШАВАЎ БДУ СТАЛІЦУ З ДНЁМ НАРАДЖЭННЯ! 12 верасня жыхары Мінска святкавалі Дзень горада. Сталіца, як ніколі, была напоўнена яркімі фарбамі, звонкім смехам і непадробнымі ўсмешкамі мінчан. “Мінск, са Святам!” – гучала амаль з кожнай сцэны горада. А ці пачулі Вы віншаванні са сцэны парка імя Паўлава?! Здаецца, адна з самых лепшых і захапляльных праграм была менавіта там. Не абышлося і без нас – Беларускага дзяржаўнага ўніверсітэта. Таленавітыя артысты – студэнты БДУ цешылі гасцей мерапрыемства сваімі выключнымі вакальнымі здольнасцямі. Трохі адцягнуўшыся ад галоўнай сцэны, можна было ўбачыць вялікі тэнт з надпісам “Беларускі дзяржаўны ўніверсітэт”. Тут размясцілася Псіхалагічгная служба БДУ, прадстаўніцы якой праводзілі вельмі займальныя трэнінгі. Усе ахвотнікі маглі атрымаць цікавую інфармацыю пра сябе і свой характар, адказаўшы на некалькі асацыятыўных пытанняў. Побач з Псіхалагічнай стужбай знаходзілася Творчая студыя “MIM-BSU”, дзе прыгожыя дзяўчаты-мімы ўсіх прысутных сустракалі дзіўнымі ўсмешкамі. Гасцям парка вельмi спадабалася майстэрня “Face-Art”. Дзяўчыны з натуральна “залатымі” рукамі малявалі на тварах і ручках дзетак і дарослых розныя малюнкі, дадаючы да кожнага нешта асаблівае, індывідуальнае. Нельга было абмінуць і вясёлых студэнтаў, якія праводзілі эксперыменты. Выязны эксперыментальны лекторый па фізіцы з’яўляецца паспяховм праектам Студэнцкага савета па якасці адукацыі БДУ. Што яшчэ можна дадаць? Эксперыменты – гэта заўсёды захапляльна. Прадстаўнікі Беларускага дзяржаўнага ўніверсітэта не змаглі б павіншаваць сталіцу, калі б не было падтрымкі ўпраўлення выхаваўчай работы з моладдзю БДУ, ўпраўлення па справам культуры і, канешне, адміністрацыі ўніверсітэта. Са Святам, Мінск! БДУ шчыра віншуе!